Encres and be evyr prophytabylle.
ffor to my speche thou dedyst obeye,
Thyn enmyes portes thou shalt possede;
And alle men on erthe, as I the seye,
Thei xal be blyssed in thi sede.
Almyghty God thus the wylle mede,
ffor that good wylle that thou ast done,
Therfore thank God, in word and dede,
Bothe thou thiself, and Ysaac thi sone.
Abraham. A! my lord God to wurchep on kne now I falle!