And grounde us in grace ffrom alle grevauns.
Hic Moyses videns rubrum ardentem admirande dicit,
A! mercy, God, what menyth ȝon syte?
A grene busche as fyre doth flame,
And kepyth his colowre fayr and bryghte,
ffresche and grene withowtyn blame.
It fyguryth sumthynge of ryght gret fame,
I kan not seyn what it may be,
I wylle go nere, in Goddys name,
And wysely loke this busche to se.