Abyde a qwyle, sere, whedyr wytte thou?
Thou and thi wyff arn barrany and bare;
Neyther of ȝow ffruteful nevyr ȝett ware,
Whow durste thou amonge fruteful presume and abuse?
It is a tokyn thou art cursyd thare,
Wherefore with grett indygnacion thin offeryng I refuse!
Et refudit sacrificium Joachi.
Amonge alle this pepyl barreyn be no mo,
Therefore comyth up and offeryth here alle:
Thou, Joachym, I charge the fast out the temple thou go;