That my hert may wake in the, thow my body slepe.
Here the aungel bryngyth manna in a cowpe of gold lyke to confeccions, the hefne syngynye, the aungel seyth,
Merveyle not, mekest maydone, of my mynystracion,
I am a good aungel sent of God alle-myght,
With aungelys mete ffor ȝour sustentacion,
ȝe to receyve it ffor natural myght;
We aungellys xul serve ȝow day and nyght:
Now fede ȝow therwith in Goddys name.
We xal lerne ȝow the lyberary of oure Lordys lawe lyght,
ffor my sawys in ȝow shewyth sygnes of shame.