I xal take a wand in my hand and cast of my gowne,
Yf I falle than, I xalle gronyn for wo.
Ho so take away my staff, I say he were my fo,
ȝe be men that may wele ren go ȝe before;
I am old and also colde, walkyng doth me wo;
Therfor now wole I to my staff holde I, this jurny to wore.
Episcopus. Seres, ȝe xal undyrstande
That this is the cawse of your comynge,
And why that eche of ȝow bryngyth a wande,
ffor of God we have knowynge.