That mannys sowle it xulde perysche it wore sweme,
Or that ony of us ffro othere xulde dyvyde.
Veritas. In trowthe hereto I consente,
I wole prey oure lorde it may so be.
Justicia. I Ryghtwysnes am wele contente,
ffor in hym is very equyté.
Misericordia. And I Mercy ffro this counsel wole not fle,
Tyl wysdam hath seyd I xal ses.
Pax. Here is God now, here is unyté,
Hefne and erthe is plesyd with pes.