Eliȝabethe. Anon as I herd of ȝow this holy gretynge,
Mekest mayden and the modyr of God, Mary,
Be ȝour breth the Holy Gost us was inspyrynge,
That the childe in my body enjoyd gretly,
And turnyd downe on his knes to oure God reverently,
Whom ȝe bere in your body this veryly I ken,
ffulfyllyd with the Holy Gost thus lowde I cry,
Blyssyd be thou amonge alle women.
And blyssyd be the frute of thi wombe also,
Thou wurthyest virgyne and wyff that ever was wrought!