Parfyte God and parfyte man at onys beynge;
Than the aungel seyd onto me,
That it was sex monethys syn ȝour conseyvynge,
This cawsyth my comynge, cosyn, ȝow to comfort and se.
Eliȝabeth. Blyssyd be ȝe, cosyn, ffor ȝour hedyr comynge,
How I conseyvyd I xal to ȝow say;
The aungel apperyd the howre of incensynge,
Seynge I xulde conseyve, and hym thought nay.
Sethe ffor his mystrost he hath be dowme alway,
And thus of my concepcion I have ȝow sum.