The aungel seyd “Ave, gratia plena, Dominus tecum,
Benedicta tu in mulieribus.”
Elyȝabeth seyd, “Et benedictus fructus ventris tui.”
Thus the chirche addyd Maria and Jhesus her:
Who seyth oure ladyes sawtere dayly for a ȝer thus,
He hath pardon ten thowsand and eyte hundryd ȝer.
Than ferther to oure matere to precede,
Mary with Eliȝabeth abod ther stylle
iij. monthys fully, as we rede,
Thankynge God with hertly wylle.