It shewit opynly, by here purgacion,
Sche is clene mayde, bothe modyr and wyff!
Primus detractor. Be my fadyr sowle here is gret gyle,
Because sche is syb of ȝour kynreed;
The drynk is chaungyd by sum fals wyle,
That sche no shame xulde have this steed.
Episcopus. Becawse thou demyst that we do falshede,
And for thou dedyst hem fyrst defame;
Thou xalt ryght here, magré thin heed,
Beforn alle this pepyl, drynk of the same.