What tre is ȝon standynge upon ȝon hylle?
Josephe. fforsothe, Mary, it is clepyd a chery tre;
In tyme of ȝere ȝe myght ffede ȝow theron ȝour ffylle.
Maria. Turne ageyn, husbond, and behold ȝon tre,
How that it blomyght now so swetly.
Joseph. Cum on, Mary, that we worn at ȝon cyté;
Or ellys we may be blamyd, I telle ȝow lythly.
Maria. Now, my spowse, I pray ȝow to behold,
How the cheryes growyn upon ȝon tre;
ffor to have therof ryght ffayn I wold,