ȝelomye. And I am ȝelomye, men knowe my name;
We tweyn with the wyl go togedyr,
And help thi wyff fro hurt and grame;
Come forthe, Joseph, go we streythe thedyr.
Joseph. I thank ȝow, damys, ȝe comforte my lyff,
Streyte to my spowse walke we the way.
In this pore logge lyght Mary my wyff;
Hyre for to comforte, gode frendys, asay.
Salome. We dare not entre this logge in fay,
Ther is therin so gret bryghtnes,—