And so cast down his pride.
Herodes Rex. Now, kende knyghtes, be mery and glad!
With alle good diligens shewe now sum myrthe!
ffor, be gracyous Mahound, more myrthe never I had,
Ne nevyr more joye was inne from tyme to tyme of my byrthe;
ffor now my fo is ded and prendyd as a padde,
Above me is no kynge on grownd nere on gerthe!
Merthis therfore make ȝe, and be ryght nothynge sadde;
Spare nether mete nor drynke, and spare for no dyrthe
Of wyne nor of brede.