Who was ȝoure mayster? who dede ȝow teche?
Of what man had ȝe this wurthy lore?
Jhesus. My wytt and my lernynge is no ȝonge store;
Or this worde was wrought alle thinge dede I knowe;
ffyrst or ȝe wore borne ȝeres many score,
Thorwe the myght of my fadyr, my wytt in me dede flowe.
Primus doctor. Or that we weryn born, nay that may nat be;
The ȝongest of us tweyn is iij. score ȝere of age,
And thiselfe art but a chylde, al men may wel se,
Late camst out of cradyl, as it semyth be thi vesage.