But myn hyȝ godhede, this is no lesse,
Alle thinge in this worlde forsothe dude I make.
Secundus doctor. Be ȝour fadyr that endles is:
Who is ȝour modyr? telle us we pray.
Jhesus. Be my fadyr, the hyȝ kynge of blys,
A modyrles chylde I am veray.
Primus doctor. Who was ȝour fadyr to us than say?
Be ȝour modyr a woman that was.
Jhesus. I am ffadyrles; as for that may,
Of fleschly luste she dude nevyr trespas.