And God with his grace he wyl the sone inspyre
To amendynge of thi mys.
Schryfte of mowthe may best the save,
Penauns for synne what man wyl have,
Whan that his body is leyd in grave,
His sowle xal go to blys.
Corne that is good, men kepe it ful clene;
Chaff that is sympyl is sett wul nere at nought.
So good men of levynge to God chosyn bene,
Whan synful men be lyke chaff and to helle xul be brought.