XXII. THE TEMPTATION.
Sathan. Now Belyard and Belȝabub, ȝe der wurthy devele of helle,
And wysest of councel amonges alle the rowte!
Herke now what I sey, a tale I xalle ȝow telle,
That trobelyth sore my stomak: therof I have grett dowte.
Belyalle. Syr Sathanas, owre sovereyn, syre, with the wol we dwelle,
Alle redy at thi byddynge to the do we lowte;
If thou have any nede of oure wyse counselle,
Telle us now thi qwestyon alle out and oute;
Sey al thi dowt be-dene.