The wey into hyr chawmere ryght evyn he toke.
Lett us thre now go streyte thedyr,
The wey fful evyn I xalle ȝow lede;
And we xul take them bothe togedyr,
Whylle that thei do that synful dede.
Scriba. Art thou sekyr that we xal spede?
Shalle we hym fynde whan we cum there?
Accusator. Be my trowthe I have no drede,
The hare fro the fforme we xal arere.
Phariseus. We xal have game and this be trewe!