I belde them in my blysse.
Aungelle in hevyn evyrmore xal be,
In lythful clere bryth as ble,
With myrthe and song to worchip me,
Of joys thei may not mys.
Hic cantent angeli in cœlo. “Tibi omnes angeli, tibi cœli et universæ potestates, Tibi cherubyn et seraphyn incessabili voce proclamant,—Sanctus! Sanctus! Sanctus! Dominus Deus Sabaoth.”
Lucifer. To whos wurchipe synge ȝe this songe,
To wurchip God or reverens me?
But ȝe me wurchipe ȝe do me wronge,
ffor I am the wurthyest that evyr may be.