ȝe do us brynge in distemperaunce,
Whan ȝe us telle ȝe xal hens gone.
Primus consolator. Dame Martha and Magdalyne,
How faryth ȝour brothir? lete us hym se.
Martha. He is ryght seke and hath grett pyne,
I am aferde deed he xal be.
Magdalyn. A man may have ryght grett peté,
The fervent hete of hym to fele.
Secundus consolator. Take ȝe no thought in no degré,
I hope that he xal ffare fful wele.