Secundus consolator. With gret syknes thow ȝe be sought,
Upon ȝouresylf have no mystruste;
If that ȝe have, I wundyr ryght nought,
Thow ȝe be deed and cast in duste.
Tertius consolator. Many on hathe had ryght grett syknesse,
And aftyr hath had his hele ageyn;
And many a man, this is no lesse,
With his wantruste hymsylf hathe slayn.
ȝe be a man of ryght sad brayn,
Thow that ȝour syknes greve ȝow ryght ille,—