If I to pitt with hym myght go,
Therin evyrmore with hym to abyde,
Than were my care alle went me fro,
Ther now grett sorwe doth wounde me wyde.
Primus consolator. This coors we burry here in this pytte,
Allemyghty God the sowle mut have;
And with this ston this grave we shytte,
ffro ravenous bestes the body to save.
Magdalyn. He is now brought into his cave,
Myn hert ffor woo this syght doth kylle;