He wolde not ellys for hym thus wepe so,
But if that his love on hym were the more.
Nuncius. A straw for thi tale, what nedyth hym to wepe?
A man born blynde dyde he nat ȝeve syght?
Myght he not thanne his frende on lyve kepe,
Be the vertu of that same hyȝ myght?
Jhesus. Where is he put? telle me anon ryght;
Brynge me the weye streyth to his grave.
Martha. Lord! at ȝour wylle we xal brynge ȝow tyght,
Evyn to that place ther he doth lyve in cave.