I xal correcte hym for his trespas,
He xal no lenger oure pepyl begyle,
Out of myn dawngere he xal not pas.
Here comyth the masangere to Cayphas, and in the mene tyme Rewfyn and Lyon schewyn hem in the place, in ray tabardys furryd and ray hodys abouth, here neckys furryd, the masangere seyng,
Myn reverent sovereyn, and it do ȝow plese,
Sere Annas, my lord hath to ȝou sent,
He prayt ȝou that ȝe xal not sese,
Tyl that ȝe ben with hym present.
Cayphas. Sere, telle myn cosyn I xal not fayl,
It was my purpose hym for to se,