Mannys sowle in blys now xal edyfy,
And the prynce of the werd is cast owth.
Go to ȝon castel that standyth ȝow ageyn,
Sum of myn dyscyplis go forthe ȝe to;
There xul ȝe ffyndyn bestys tweyn,
An asse tyed and here fole also.
Unlosne that asse, and brynge it to me pleyn;
Iff any man aske why that ȝe do so,
Sey that I have nede to this best serteyn,
And he xal not lett ȝow ȝour weys for to go: