Whiche of us ys he that treson xal do?
Whatt traytor is he that his lord that wold selle?
Expresse his name, Lord, that xal werke this woo.
Johannes. If that ther be on that wolde selle so,
Good mayster, telle us now opynly his name.
What traytour is hym that from the that wolde go?
And with ffals treson ffulfylle his grett shame?
Andreas. It is ryght dredfull suche tresson to thynke,
And wel more dredfful to werk that bad dede;
ffor that ffals treson to helle he xal synke,