Also ȝe must ete this paschalle lombe hastyly,
Of weche sentens this is the very entent;
At every oure and tyme ȝe xal be redy,
ffor to fulfylle my cowmawndement.
ffor thow ȝe leve this day, ȝe are not sure
Whedyr ȝe xal leve to morwe or nowth;
Therfor hastyly every oure do ȝoure besy cure,
To kepe my preceptys, and than thar ȝe not dowth.
Now have I lerned ȝow how ȝe xal ete
ȝour paschal lombe, that is my precyous body;