Here alle the Jewys falle sodeynly to the erde, whan thei here Cryst speke, and qwhan byddyth hem rysyn, thei rysyn aȝen, Cryst thus seyng,
Aryse, serys, whom seke ȝe? fast have ȝe gon.
Is howth ȝour comyng hedyr for me?
I stond beforn ȝow here echone,
That ȝe may me bothe knowe and se.
Rufyne. Jhesus of Naȝareth we seke,
And we myth hym here aspye.
Jhesu. I told ȝow now with wordys meke,
Beforn ȝow alle, that it was I.
Judas. Welcome, Jhesu, my mayster dere,