For nevyr thyng but that was good thowth ȝe,
Wherfore than xuld ȝe sofer this gret peyn?
I suppoce veryly it is for the tresspace of me,
And I wyst that myn hert xuld cleve on tweyn.
ffor these langowrys may I susteyn,
The swerd of sorwe hath so thyrlyd my meende;
Alas! what may I do? alas! what may I seyn?
These prongys myn herte asondyr thei do rende.
O ffadyr of hefne! wher ben al thi behestys
That thou promysyst me, whan a modyr thou me made?