Primus doctor. Heyl, Mathew the apostel and also Evangelyst!
That was clepyd to the fflok of gostly conversacion
ffrom thyrknes of concyens that ȝe were in ffest,
With Bertylmew that ffled alle carnalle temptacion.
Secundus doctor. Heyl, Symeon Zelotes! thus be ȝour name,
And Judas, that bothe wel lovyd oure Lord!
Therffore ȝe have bothe joye and game,
Wher nevyr is sstryff but good acorde.
Primus doctor. Heyl, Poul, grett doctour of the ffeyth,
And vessel chosyn be trewe eleccion!