To kylle a thowsand Crystyn I gyf not an hawe;
To se hem hangyn or brent to me is very plesauns,
To dryvyn hem into doongenys dragonys to knawe,
And to rende here flesche and bonys onto here sustenauns.
John the Baptyst crystenyd Cryst, and so he dede many on,
Therfore myself dede hym brynge o dawe;
It is I that dede hym kylle, I telle ȝou everychon,
ffor and he had go forth he xuld a dystroyd our lawe.
Where as Crystyn apperyth to me is gret grevauns,
It peynyth myn hert of tho tretowrys to here;