Wherfore it were ful nedful to bryng the a dawe.
Cayphas. What arn thi dysciplys that folwyn the aboute?
And what is thi doctryne that thou dost preche?
Telle me now somewhath, and bryng us out of doute,
That we may to othere men thi prechyng forth teche.
Jhesus. Al tymes that I have prechyd, opyn it was don
In the synagog or in the temple, where that alle Jewys com:
Aske hem what I have seyd, and also what I have don;
Thei con telle the my wordys, aske hem everychone.
Primus Judeus. What thou, fela? to whom spekyst thou?