Secundus doctor. Sere Pylat, we kannot telle half the blame
That Jhesus in oure countré hath wrowth;
Therfore we charge the in the emperores name,
That he to the deth in hast be browth!
Pylat. What seyst to these compleyntys, Jhesu?
These pepyl hath the sore acusyd,
Because thou bryngyst up lawys newe,
That in oure days were not usyd.
Jhesus. Of here accusyng me rowth nowth,
So that thei hurt not here soulys ne non mo.