I have do made redy his cros that he xal dye upon,
And thre nayles to takke hym with that he xal not styrte;
Be he nevyr so holy he xal not fro me gon,
But with a sharpe spere he xal be smet to the herte.
And sythyn he xal come to helle be he nevyr so stowte,
And ȝet I am aferd and he come he wole do som wrake;
Therfore I xal go warnyn helle that thei loke abowte,
That thei make redy chenys to bynd hym with in lake.
Helle! Helle! make redy, for here xal come a gest,
Hedyr xal come Jhesus that is clepyd Goddys sone,