And Jhesus he sendyth aȝen to the,
And byddyth the chese hym to save or spylle!
Secundus doctor. ȝa! ser, alle the poer lyth now in the,
And thou knowyst oure feyth he hath nere schent:
Thou knowyst what myschef therof may be,
We charge the to gyf hym jwgement.
Pylat. Serys, trewly ȝe be to blame,
Jhesus thus to bete, dyspoyle, or bynde;
Or put hym to so gret schame;
ffor no defawth in hym I fynde.