As I wasche with watyr my handys clene,
So gyltles of hese deth I must ben.
Primus doctor. The blod of hym mut ben on us,
And on oure chyldyr aftyr us!
Et clamabunt “ȝa! ȝa! ȝa!”
Than Pylat goth aȝen to Jhesu, and bryngit hym, thus seyng,
Lo! seres, I bryng hym here to ȝour presens,
That ȝe may knowe I fynde in hym non offens.
Secundus doctor. Delyvere hym! delyvere hym! and let us go,
On the crosse that he were do!