A! wykkyd men, ȝe be more than wood.
To do that good Lord so gret dyspyte!
Here Jhesus turnyth aȝen to the women with his crosse, thus seyng,
Dowterys of Hierusalem, for me wepyth nowth,
But for ȝourself wepyth and for your chyldyr also;
For the days xal come that thei han aftyr sowth,
Here synne and here blyndnesse xal turne hym to wo!
Than xal be sayd “blyssyd be the wombys that bareyn be,
And wo to the tetys tho days that do ȝevyn sokyng!”
And to here faderes, thei xul seyn, “Wo to the tyme that thou begat me!”