To the Jewys thou art ful kende,
Thou hast forgeve al here mysdede;
And the thef thou hast in mende,
For onys haskyng mercy hefne is his mede.
A! my sovereyn Lord, why whylt thou not speke
To me that am thi modyr in peyn for thi wrong?
A! hert! hert! why whylt thou not breke?
That I were out of this sorwe so stronge!
Jhesus. A! woman, woman, behold ther thi sone!
And thou Jon take her for thi modyr!