It mak's a man polished, an' gies him, ye ken,
Sic a graun' cosmypollitan knowledge o' men!
I ne'er was a stay-at-hame callant ava,
I aye must be rantin' an' roamin' awa',
An' far hae I wandered, an' muckle hae seen
O' the ways o' the warl' wi' ma vara ain een.
I've been tae Kingskettle wi' Wullie an' Jeames,
I've veesited Anster an' Elie an' Wemyss,
I've walked tae Kirkca'dy an' Cupar an' Crail,
An' I aince was awa' tae Dundee wi' the rail.