Litoribusque tuis ne propugnacula tantúm
Præsidio fore, nec saxi munimina credas,
Nec tantúm quæ mille acies in utrumque parantur,
Aut patriam tutari, aut non superesse cadenti;
Invictæ quantúm metuenda tonitrua Classis,
Angliacæ Classis;—quæ majestate verendâ
Ultrix, inconcussa, diú dominabitur orbi,
Hostibus invidiosa tuis, et sæpe triumphis
Nobilitata novis, pelagi Regina subacti.