He rod uppon a corsiare[174]
Throughe a hondrith archery;
He never styntyde, nar never blane,[175]
Tyll he came to the good lord Persè.70
He set uppone the lord Persè
A dynte,[176] that was full soare;
With a suar spear of a myghtè tre
Clean thorow the body he the Persè bore,[177]
Athe tothar syde, that a man myght se,75
A large cloth yard and mare:
Towe bettar captayns wear nat in Christiantè,
Then that day slain wear ther.
An archar off Northomberlonde
Say slean was the lord Persè,[178]80
He bar a bende-bow in his hande,
Was made off trusti tre:
An arow, that a cloth yarde was lang,
To th' hard stele halyde he;[179]
A dynt, that was both sad and soar,85
He sat on Sir Hewe the Mongon-byrry.
The dynt yt was both sad and sar,[180][181]
That he of Mongon-byrry sete;
The swane-fethars, that his arrowe bar,
With his hart blood the wear wete.[182]90
Ther was never a freake wone foot wolde fle,
But still in stour[183] dyd stand,
Heawyng on yche othar,[184] whyll the myght dre,[185]
With many a bal-ful brande.
This battell begane in Chyviat95
An owar befor the none,
And when even-song bell was rang
The battell was nat half done.
The tooke 'on' on ethar hand
Be the lyght off the mone;100
Many hade no strenght for to stande,
In Chyviat the hyllys aboun.[186][187]
Of fifteen hondrith archars of Ynglonde
Went away but fifti and thre;
Of twenty hondrith spear-men of Skotlonde,105
But even five and fifti: