HUSH YE, MY BAIRNIE
From the Gaelic.
Hush ye, my bairnie, my bonnie wee laddie;
When ye’re a man ye shall follow yer daddie;
Lift me a coo, and a goat, and a wether,
Bringing them hame tae yer mammie thegither.
Hush ye, my bairnie, my bonnie wee lammie;
Routh o’ guid things ye shall bring tae yer mammie;
Hare frae the meadow, and deer frae the mountain,
Grouse frae the muirlan’, and trout frae the fountain.
Hush ye, my bairnie, my bonnie wee dearie;
Sleep! come and close the een, heavie and wearie;
Closed are the wearie een, rest ye are takin’,
Soun’ be your sleepin’, and bright be yer wakin’.
THE WEE CROODLEN DOO
“Where hae ye been a’ the day,
My little wee croodlen doo?”
“Oh, I’ve been at my grandmother’s;
Mak my bed, mammie, noo!”
“What got ye at your grandmother’s,
My little wee croodlen doo?”
“I got a bonny wee fishie;
Mak my bed, mammie, noo!”