No-thing new, nocht bot the forme is gane.
“Thus is no-thing in erd bot fugitive,
Passand and cumand be spreiding successive.
And as ane beist, so is ane man consave
Of seid infuse in membris genitive,
And furth his time in pleseir dois ouir-drive,
As chance him ledis, quhill he be laid in grave.
Thairfore thy hevin and pleseir now ressave
Quhill thow art heir in-to this present live;
For eftir deith thow sall na pleseir have.