The vailyeant Ajax wan not for his manhede
Quhen wise Ulysses bure away the glore.
Manhede but prudence is ane fury blind,
And bringis ane man to schame and indegence.
Prudence but manhede cumis oft behind,
Howbeit it have na les intelligence
Of thingis to cum than gone, be sapience.
Thairfore quhen wit and manhede doith concurre
Hie honour risis with magnificence:
For glore to noblis is ane groundin spurre.