Hir dait is for to leif fyve houndreth yeir.
Mak to that bird my commendatioun.
And als, I mak yow supplycatioun,
“Sen of my corps I have yow gevin the cure,
Ye speid yow to the court, but tareyng,
And tak my hart, of perfyte portrature,
And it present unto my Soverane Kyng:
I wat he wyll it clois in-to one ryng.
Commende me to his Grace, I yow exhorte,
And of my passion mak hym trew reporte.