Þan he biðohte an helle fur þat no wiht ne mai quenche.
Afre he wolde her in wo ⁊ in wane wunien
Wið þan he mihte helle fur biflen ⁊ bisunien.
155 Eðlate him ware al wele ⁊ erðeliche blisse
For to þe muchele blisse cume þis murie mid iwisse.
¶Ich wulle nu cumen eft to þe dome þe ich eow ar of sade.
On þe daie ⁊ on þe dome us helpe crist ⁊ rade
Þar we muȝen ben sore offerd ⁊ harde us ofdrade.
160 Þar elch sal al isien him biforen his word ⁊ ec his dade.
Al sal þar ben þanne cuð þat men luȝen her ⁊ halen.