Nare we naht swo ofte bicherd ne swo euele bikeihte
Ȝief we serueden god half þat we doð for erminges
We mihten habben more an heuene þa[n] ȝierles ⁊ kinges
325 Ne muȝe we werien naðer ne wið þurst ne wið hunger
Ne wid elde ne wið deað þe elder ne þe ȝeunger
Ac þar nis hunger ne þurst. deað ne unhalðe ne elde.
Of þesse riche we þencheð to ofte of þare alto selde.
We solden biþenchen us wel ofte ⁊ ilome
330 Hwat we beð to hwan we sullen ⁊ of hwan we come.
Hwu litle hwile we bieð her hwu longe elles ḥware