[Þ]e lat þe nieðe dal to helle of manne me mai wene.
Go we þane narewe pað ⁊ þene wei grene
[Þ]ar forð fareð wel litel folc ⁊ eche is fair ⁊ isene
345 [Þ]e brode strate is ure wil. þe is loð te læte.
[Þ]o þe folȝeð here iwil hie fareð bi þare strate.
[H]ie muȝen lihtliche cumen mid þare niðer helde
[Þ]urh one godelease wude to one bare felde
[Þ]a narewe pað is godes has · þar forð fareð wel feawe
350 [Þ]at beð þo þe hem sildeð ȝierne wið achen unðeawe.
[Þ]os goð uneaðe aȝien þe cliue ⁊ aȝien þe heie hulle