An alle mine iliue; þe ich iluued habbe.
bi dæie no bi nihtes; ne sæh ich nauere ær swulche cnihtes.
for eouwer cumen ich æm bliðe; ⁊ mid me ȝe scullen bilæfuen.
25 ⁊ eouwer wille ich wulle driȝen; bi mine quicke liuen.
Ah of eou ich wulle iwiten; þurh soðen eouwer wurð scipen.
whæt cnihten ȝe seon; ⁊ whænnenen ȝe icumen beon.
⁊ whar ȝe wullen beon treowe; alde ⁊ æc neowe.
þa answerede þe oðer; þat wes þe aldeste broðer.
30 lust me nu lauerd king; ⁊ ich þe wullen cuðen.
what cnihtes we beoð; ⁊ whanene we icumen seoð.