and seide þat hii wolde; him sarui in his londe
20 ȝif vs þou wolle; mid rihte at holde.
þo answerede vortiger; þat of eche vuele he was war.
In al mine lifue; þat ich ileued habbe;
Bi dai no bi nihte; Ne seh ich soche cnihtes.
for ȝou ich ham bliþe; and mid me ȝe solle bi lefue.
Ac forst ich wolle wite; for ȝoure mochele worsipe.
wat cnihtes | beo ȝeo; and wanene ȝeo i comen beo.
þo answerede þe oþer; þat was þe elder broþer.
Ich hatte Hengest; Hors hatte min broþer.